領隊的啟示

今次的領隊，是一個頗有旅遊經驗但對自己的工作毫無熱誠的中年人。當團友們滿心期待他講解各國特色、地理環境、風土人情時，他不是隨口說幾句便算，便是很敷衍與掃興的潑冷水，於是氣氛是極之沉悶及無癮。

團友: 領隊，明天有乜行程呀?
領隊: 上下車落下車咁啦，沒乜特別...
團友: 咁沿途風景靚唔靚架?
領隊: 風景靚又如何，你食飽了，還不是倒頭大睡吧!
團友: 我聽講全德國雪山最高的高峰就位於慕尼黑附近…
領隊: 慕尼黑附近有雪山嗎? 我淨係知道行程內D景點架咋!
團友: 我仲打算逗留多兩日於慕尼黑啊!
領隊: 兩日咁多? 慕尼黑無乜好睇，半日就夠了!
團友: 風景咁靚，我想影多D相嘛!
領隊: 啊! 原來你要影相，咁就真係要多D時間，不過慕尼黑真係無乜好睇…
團友: (心想: 我係遊客，唔係應該要影相架咩?)

老公為了令沉悶的車程加點生氣，亦為了令旅程中仍有屬靈的反醒，領隊每次敷衍團友的提問時，老公就作D攪笑對答。

初信者: 基督徒，聽日聚會係講乜架?
基督徒: 唱下詩祈下禱咁啦，沒乜特別...
初信者: 咁內容吸唔吸引架?
基督徒: 內容吸引又如何，你還不是倒頭大睡吧!
初信者: 我聽講但以理書內有預言架喎…
基督徒: 但以理書有預言架咩? 我淨係知有獅子坑咋。
初信者: 我仲打算把全卷舊約看一遍啊!
基督徒: 成卷舊約咁多? 舊約沒乜好睇，睇創世記就夠了!
初信者: 聖經內容咁精彩，我想多了解明白呢!
基督徒: 啊! 原來你想明白聖經，咁就真係要花多D時間，不過聖經真係無乜好睇…
初信者: (心想: 我係基督徒，唔係應該要明白聖經架咩?)

雖然攪笑成份居多，但以上也不失為一個很好的提醒。作為基督徒，我們實在需要時刻自我檢討，反醒自已是否對信仰已不再認真投入，不然自己不單沒有盡傳福音的本份，輕漫的言語與態度更成為未信及初信者的絆腳石。