神秘人

神秘人，謝謝你的 E-oh magnet 啊! 我超鍾意，好靚呀! 仲有隻Woodstock stamp，好得呀你!

唔知你知唔知其實我知你係邊個架? 你D字跡出賣左你喇! 不過為了繼續保持你神秘人的身份，我就繼續扮唔知囉，哈哈! 你放心啦，我會交足戲，好似D劇集咁講個老婆明知老公有外遇但係扮唔知果種呢...(奸笑中)

I thank our Lord for your thoughtfulness again and again!!!

西瓜波

近日行超市發現有mini西瓜賣，貪得意買了一個返屋企。

這個西瓜波，細過保齡球。

這個西瓜波，細過SaSa個頭。



究竟有幾細? 睇下咪知...

切開後，估唔到超級甜啊！切開一半用羹畢嚟食，正過食雪糕。

以後我可以好型咁話俾人聽：我閒閒地食成個西瓜啦！哼!

SaSa Language

SaSa有時說的話很攪笑，聽唔明係正常，聽得明係bonus，還好有Sa爸Sa媽作翻譯。

SaSa拿著人家送給她的禮物，跟著Sa叔後面，一路行一路講：「開 Bees，開 Bees 。」

Sa叔聽唔明SaSa講乜，SaSa開始有D燥，猛說：「開 Bees，開 Bees，開 Bees...」

這時廚房傳來Sa爸的聲音：佢係話「開，please。」

SaSa食飯時指著一碟菜，然後說：「too goo，too goo。」

當大家抓破頭皮也不明白SaSa講甚麼時，Sa爸說：「佢話要Two 菇，即係兩塊冬菇。」

SaSa好鍾意叫Sa嬸畫波波人 (a balloon with a face on it)，這天SaSa有支只需用水便可以畫出藍色圖案的筆，待水吹乾後又可以recycle，很好玩 (至少我覺得很好玩)。有次Sa嬸陪SaSa用普通顏色筆畫公仔時，SaSa說：「Sa嬸畫 boo。」

Sa嬸好醒咁馬上用普通顏色筆畫了幾個波波人。SaSa看見後眉頭一緊，又說：「嬸嬸畫 boo boo....」

「Sa嬸咪畫左波波囉。」

SaSa開始炆憎起來，高八度說：「嬸...嬸...畫... boo!」

Sa嬸見勢色唔對，額頭開始冒汗。

「嬸...嬸...畫... bloooo!」

Sa嬸終於明白SaSa講乜，於是拿起支神奇水筆，畫了一個又一個的藍色cute版波波人，SaSa見嬸嬸終於無用普通顏色筆而改用神奇水筆去畫波波人，滿足的走開了。

現今小孩的Chinglish，真令人難以招架。

發夢無咁早

除了Sasiotherapy，有一樣事情令人暫時脫離現實的，是去旅行。現在風頭火勢，當然無得行開，唯有靠幻想。

今天，幻想症又發作，我跟老公說，我想去旅行。

老公問: 又想去歐洲嗎?
我: 係呀!
老公: (明知我只是講下，但仍樂於陪我一齊幻想) 今次你想去邊個城市?
我: 好多城市我都想再去，但其實我想移民去Paris呀!

老公出奇地沒有被我這篇偉論嚇倒，反而好爽快地和應，實在叫我喜出望外。

老公: 好呀! Paris is always my #1 city。但係我地去到Paris靠乜維生先? 我唔識講法文喎!
我: 賣藝囉，好似呢D咁，唔駛講野架...
老公: (沒好氣) 夠喇，發夢無咁早!
我: ..................

歐洲呀歐洲呀，你等我呀，我好快會返黎探你架!

Second round...

上次做的procedure失敗了，爸爸明天晨早要再做另一個手術，請大家繼續代禱!

吃過這頓父親節晚餐，又是另一round出出入入醫院的時候了，VGH不知從何時起變得如此親切。這幾天除了不斷提醒自己要保持身體健康，還暗暗希望油價不要繼續向上爬...



高朋滿座

已經很久未試過去一個如此盡興的婚禮，甚至做bridal assistant落力到差點以為是自己結婚，能夠如此高興，只因為與新郎新娘非一般的友誼。

套用伴娘豬的口頭嬋，這是「一輩子的朋友」。

更何況今次Animals難得齊人，12生肖全部in town，簡直是十年難得一見的情景。自從畢業後，我們也不知有多少年未試過如此full house了，今次一聚後，有的要往Toronto，有的要往Calgary，有的要回香港，不知下次full house時會是多少年後的事了。

主人家安排了我們同一席，基於多年建立的信任與默契，又是零warm-up便弄作一團了，真的是 Anytime，Anywhere，Animals!

崔李吳張

每次參加一些隆重場合如婚宴，都要揀一輪衫。

這天我站在walk-in closet許久也未決定穿那條裙才好時，老公走進來，站在我身旁。

老公問：「唸唔到著乜好呀？」
我說：「係呀，邊條裙好呢...」
老公喃喃自語說：「係囉，你話我著乜好呢？」
數秒後，老公突然說：「啊! 我唸到著乜了.................. 著西裝!!!」

呢句同阿媽係女人無咩分別，但望住老公好得戚咁行開，腦海忽然閃過四個姓氏。

崔李吳張。

Thank You

自從set了個stat counter後，我才發覺閱讀這blog的人為數也不少，所以對於那些看罷而又主動作出關心與問候的，心裡實在感謝。你們大可以像其他人一樣，看罷便算，但你們的鼓勵與代禱，更叫我為你們而感謝神。

在遇上困難加上老公出埠的時候，你們的關心與問候顯得格外溫暖。最擔心的日子已過，我不求父挪開心中的懼怕，只求父親手帶領經過，細味每一點的甜酸苦辣，讓倚靠父的心更堅壯。

寫到這裡，我又想起了那杯lemonade...