你要我點講先肯信?

因為食錯野，嘔到七彩，所以沒有與老公一同往親戚飯聚，自己留於家中休息。老公回來後，苦苦求我下次千萬不要讓他一個人單刀赴會。

你老婆嘔成咁，十成十有左啦!
醫生話食物中毒? 肯定判錯，睇另一個醫生算吧...
佢仲有咩病徵呀?
係啦，今次係中梗啦...

老公一把口應付家人十把口，其中還有些生過仔的，大家七嘴八舌講經驗之談，老公解釋完又解釋，長輩仍樂於將自己的寄望化成事實，硬要一口咬定佢老婆大了肚，老公沒好氣了，唯有低頭吃那好crap的King crab，心想: 呢鋪真係水洗都唔清!

我一路聽一路笑，跟老公說: 你叫他們放長雙眼睇囉...事關呢D場面近排已發生了好多次了...

奶奶從HK買了許多娃娃裝，我穿了幾次後，俾人問我係咪大肚。
穿了一條很久沒穿的直身裙，腰部不過鬆了一點點，又有人問我係咪大肚。
貪方便穿運動褲返團契，又俾人問我係咪大肚。
唔夠訓長了幾粒暗瘡豆豆，人家說我生仔。

因為以上緣故，我決定著返D比較貼身的衣服，直至另行通知。