男朋友 vs. 老公

老公與我從來也彼此喚作男朋友、女朋友，婚前婚後亦如是。所以有時與朋友閒談間，亦常改不了口說:我男朋友...唔係...我意思係我老公...朋友常覺得好笑兼奇怪，結左婚仲叫老公做男朋友。

我: 其實叫女朋友同老婆都係咁親切，我地好唔好改口，免得人誤會...
老公: 但係叫男女朋友感覺好似仲係拍緊拖，咪仲sweet! 你唔覺得老婆呢個稱呼好似好老咁咩?
我: 唔知有冇第D稱呼係無咁老呢?
老公: 有，將老婆個老字拎開，我淨係叫你做阿婆好唔好?

稱呼帶有身份與責任，正如我的學生叫我做Miss Ho 時，每每提醒我自己要全心全意教導他們。作男朋友的有男朋友的身份，作老公亦有老公的責任，作基督徒的更需有基督徒的使命與承擔，這是無可置疑的。

但為免老公當街當巷大叫我做阿婆，我還是樂於做他的女朋友。