新紮媽媽101

生完仔後，各方好友親朋紛紛致電道賀。我最常被問及的問題，除了是小行幾重呀? 媽媽身體好嗎? 生產過程順利嗎?等，還 有就是 : 作了一星期的母親，感受如何? 與其要我重覆答案，倒不如趁小行還在酣睡之時，記下這星期的所感所想。

我從來也不是BB狂，即那些看見人家小孩會主動上前逗他們玩，甚至很肉緊的抱著小孩不肯放手的人。所以懷孕期間我曾經懷疑過自己將來會否享受motherhood，會否成為一個好母親。然而神便藉著胎動，讓我更深體會生命孕育的奇妙，叫我流著感恩的眼淚去感謝神這寶貴的禮物。到了今天肚裡的BB出世了，情況又跟我預期中相差甚遠。


我以為真係成晚無得訓，原來唔係喎! 呢度2 hrs，果度1 hr，全日加加埋埋都有6hrs睡眠時間，唔錯oY!

我以為自己會好神經質，好驚人地整親個B，原來唔係喎! 見到人地好開心抱住小行逗佢，我自己都好開心。

我以為餵人奶會乜都做唔到，原來唔係喎! 食飯上網寫blog傾電話Facebook，全都無問題。

我又以為坐月好似坐監，好多禁條，原來唔係喎! 小行一星期大，公公婆婆奶奶成村人一齊去飲茶，正!

我又以為我會因為唔知BB喊乜而方寸大亂，原來唔係喎! 小行這個大胃王，佢喊只係因為夠鐘食奶，又或者有氣未burp好，所以基本上佢so far都算易湊，勁感恩喇!

我又以為我會因為生完仔修唔到身而唔開心，原來唔係喎! 因為餵人奶，加速瘦身，我一星期已經無左10lbs，yeah!

朋友同奶奶都話未見過人生完仔一星期會如此enjoy，連我自己都好surprise哩!

原來之前預計得太悲觀，所以今天湊仔的喜樂，成了bonus。

我兒啊! 為母的除了希望你繼續吃得好睡得好，更盼望你能如你的名字 (上行) 一樣，成為一個跟隨上帝而行的人。