Scratch & Save

早前與一班舊同事食lunch，本是叫人興奮的，但那天至中午開始，右眼每眨一下便痛得眼水直流，全程lunch我便好像哭喪似的，可憐我還要忍著痛駕車回家。

翌日好像好了一點，但為了安心，我還是約見了眼醫，可惜我的眼醫放假，唯有見當天當值的那一位。推開門，竟是一位貌似馬浚偉的土生仔，直覺告訴我 : 佢唔會係好醫生 . . .

檢查完畢，馬浚偉無意告訴我我的右眼出了甚麼毛病，更想打發我走，於是我唯有先發制人。

我 : 醫生，我的右眼有乜事呀?
眼醫: 無事。(無事點解會痛呢???)

我 : 但點解每眨眼便痛?
眼醫: 因為你的右眼有scratch (咁都叫無事????)

我 : 你看到有條scratch痕?
眼醫: 係呀! (咁你又唔出聲???)

我 : 嚴唔嚴重架? 駛唔駛滴眼藥水架?
眼醫: 唔嚴重，佢自己會好返。

我 : 點解無端端會scratch嘅?
眼醫: 乜都有可能架喎 (醫生，我都知用把生果刀界隻眼一下會有scratch...)

我 : 例如呢?
眼醫: 好多架喎! (係你唔知，掟係唔講呀，醫生!!!)

我 : 會幾耐好返架?
眼醫: 三五七日左右啦! (你講晒啦)

眼醫: 等我俾D眼藥水你返去滴下啦! (頭先又話唔駛滴眼藥水嘅???)

馬浚偉，你還是繼續你的舞動全城，不要做醫生好了!